ADRODDIAD BLYNYDDOL BWRDD Y LLYWODRAETHWYR I RIENI
2007-2008
YN OL I'R DUDALEN FLAEN

cymraeg|english

Ymweliadau a Chysylltiadau Busnes

Gyda chymorth ariannol, ymarferol a chefnogaeth gyson rhieni mae staff Treganna yn llwyddo i gynnig amrywiaeth a chydbwysedd o brofiadau addysgiadol eang. Er gwaethaf sefyllfa druenus ein hadeiladau hyderwn fod pob disgybl yn elwa'n fawr ar bob cyfle i ddysgu trwy wneud a phrofi

Fe fu Tan yr Eos yn cydweithio'n agos gyda "B and Q" wrth adeiladu eu gerddi ac ardal natur. Yn ogystal a chymorth hael noddwyd nifer o adnoddau ar gyfer yr ardal tu allan

Gweithgareddau Allgyrsiol, Chwaraeon a Chysylltiadau a'r Gymuned

Bu'r Ysgol yn cymryd rhan mewn sawl twrnament a gem gyfeillgar o bêl-droed, rygbi, rygbi - tag, pêl-rwyd gala nofio a chriced.Yn ychwanegol eleni bu, yn cymryd rhan mewn nifer o gystadaethau newydd megis dawns a thraws gwlad. Cynhaliwyd clybiau celf ac Urdd ac fe fu'r Ysgol yn disgleirio ar lwyfanau led led y deyrnas.

Cynhaliwyd cyngerdd Nadolig yn Chapter ac fe fu'r Ysgol yn canu, chwarae a pherfformio mewn nifer o
ddigwyddiadau ac Eisteddfodau yn ogystal a chefnogi gweithgareddau lleol fel cyngerdd Plasmawr.

Cynhaliwyd Mabolgampau'r ysgol yn Stadiwm Athletau UWIC. Cafodd y plant gyfle i brofi sawl gweithgaredd athletaidd. Ein diolch i'r rhieni fu ynghlwm a chynorthwyo. Diolch yn fawr hefyd i'r rhieni a ddaeth i gefnogi. Llongyfarchiadau i blant Tan yr Eos am eu buddugoliaeth yng nghystadleuaeth sioe flodau Caerdydd

ADEILADAU A DIOGELWCH

Cwblhawyd "Y Gorlan" drwy adeiladu drysau o ystafelloedd y babanod ac fe fyddwn yn cwblhau'r cynllun datblygu iard cychwynwyd yn ol yn 2005 wrth adeiladu canopi dros y gorlan yn fuan yn y flwyddyn academaidd newydd

Prynwyd seddau ychwanegol newydd ar gyfer amser cinio. Mae'r ystafell fwyta, bellach, yn rhy fach i'r Ysgol ac fe fydd rhaid i nifer o ddisgyblion fwyta cinio yn y neuadd.

Er mwyn ymateb i'r amodau annod hyn cyflogwyd dwy weinyddes ginio ychwanegol

Daeth y gwaith yn yr Ystafell Gyfrifiaduron i ben ac mae'n diolch yn fawr i'r Gymdeithas Rieni am eu holl gymorth wrth geisio gwireddu'r adnawdd hwn.

Cwblhawyd gwerth miloedd o waith ar adeilad Tan yr Eos yn ystod yr Haf ac fe fu Dr Pike a Mrs Hughes yn gweithio'n ddiflino er mwyn cwblhau archebion a sicrhau'r adnoddau gorau ar gyfer yr egin ddosbarth yn ystod gwyliau'r haf ac yn wir trwy gydol y flwyddyn

Carem gydnabod anhawster ac anhwylustod i nifer o'r teuluoedd dan ein hadain sydd wedi methu llefydd ar safle Treganna ar gyfer brodyr neu chwiorydd. Er mwyn hwyluso'r trefniadau a sicrhau diogelwch i'r plant newydd dygwyd pwysau ar yr AALl i ddarparu bysiau er mwyn cludo plant o iard Treganna i Dan yr Eos

CYMDEITHAS RIENI AC ATHRAWON

Diolch i'r Gymdeithas am ei nawdd a chefnogaeth. Derbyniwyd dros £ eleni ac fe gyfrannodd y GRA at

Llyfrau Darllen
Gwibdaith yr Adran Iau
Caledwedd ac offer
Boteli dwr i'r dosbarth Derbyn
Ffynnon Ddwr newydd yn y cyntedd

Fe fu'r gymdeithas yn hynod o fywiog ac mae'n rhaid talu teyrnged i drefn, dyfalbarhad a brwdfrydedd cyson y swyddogion

Braf oedd gweld y Gymdeithas yn cynnwys rhieni a disgyblion Tan yr Eos ymhob gweithgaredd ac wrth i'r safle newydd dyfu gobeithiwn weld cyd-weithio ychwanegol

PRESENOLDEB

Cyfartaledd Presenoldeb

Treganna

RHODDION

Teulu Cove family     £  255.00

PTA (Sion Corn )          £  531.25

PTA (Gwibdeithiau Haf)     £2000.00

PTA (Tai bach, Cyfrifiaduron    £6500.00

Teulu Cartwright (Offer Sain) £250

ARIAN AT ELUSEN

Trwynau Coch 2007    £  180.00

Plant mewn angen      £  250.00

Diolchgarwch– Oxfam £    99.00

Marie Curie                £  129.00

GWERTH AM ARIAN

Daeth y flwyddyn ariannol i ben gyda than wariant o dros £5 mil . Yn ystod y flwyddyn ariannol nesaf fe fyddwn yn cynnal y berthynas cydweithredol rhwng Tan yr Eos a Threganna tra'n gwahanu cyllid y ddau safle er mwyn cadw llygaid manwl ar wariant. Serch hyn fe fyddwn yn cydweithio ar nifer o weithgareddau ac yn rhannu arbenigrwydd staff ar draws y ddau safle